Jean-Claude Juncker ka deklaruar se do të respektojë votën ‘po’ në referendumin që pritet të mbahet për pavarsinë e Katalonjes.

Në  një intervistë për Euronews, ai ka deklaruar se Katalonja e pavarur do të duhet të marrë të njejtën rrugë për t’u bashkuar me BE-në, sikurse kanë bërë edhe vendet tjera të bllokut, transmeton portali arbresh.info

“Ne kemi thënë gjithmonë se do të respektojmë vendimet e Gjykatës Kushtetuese spanjolle dhe Parlamentin spanjoll”, tha Juncker.

“Nëse do të kishte një votim pro pavarësisë së Katalonies, ne do ta respektojmë atë. Por, Katalonia nuk mund të bëhet anëtare e BE-së një ditë pas votimit. Do t’i duhet të ndjekë të njejtën procedurë si vendet tjera që kanë aderuar në bllok”, shtoi ai.

Parlamenti i Katalonjës votoi javën e shkuar për të mbajtur një referendum për pavarësinë me 1 tetor, duke krijuar kështu tensione me qeverinë spanjolle.

Gjykata Kushtetuese e Spanjës pezulloi referendumin pas një sfide ligjore nga kryeministri Mariano Rajoy. Qeveria spanjolle thotë se votimi në Katalonia është në kundërshtim me kushtetutën./arbresh.info/